Қўшимча функционаллар
-
Тунги кўриниш
Ўзбекистон ва Қозоғистон ТИВ ўртасида ҳамкорлик дастури имзоланди
Ўзбекистон ташқи ишлар вазири Бахтиёр Саидов ва Қозоғистон бош вазирининг ўринбосари – ташқи ишлар вазири Мурат Нуртлеу Тошкент шаҳрида музокаралар ўтказди.
Фото: t.me/bakhtiyor_saidov
«Қозоғистон Бош вазири ўринбосари – ташқи ишлар вазири Мурат Нуртлеу жаноблари билан жуда самарали ва самимий учрашув ўтказдик, - деб ёзди Ўзбекистон ТИВ раҳбари ўзининг Telegram-каналида. -Учрашувимизнинг кун тартиби кенг қамровли ва бой бўлди. Олий даражада эришилган барча келишувларни ўз вақтида амалга ошириш, жумладан, ўзаро савдо ҳажмини 10 млрд долларга етказишга алоҳида эътибор қаратдик».
Маълум қилинишича, Ўзбекистон ва Қозоғистон муносабатлари сўнгги йилларда мисли кўрилмаган даражага кўтарилди, ўтган йили иттифоқчилик муносабатлари тўғрисидаги декларация имзоланди.
«Биз, шунингдек, мамлакатларимиз ўртасидаги транспорт алоқаларидаги фойдаланилмаётган улкан салоҳият, Марказий Осиёнинг халқаро транзит имконияти, озиқ-овқат хавфсизлиги, академик ва билим алмашинуви, барқарор ривожланишни таъминлаш, минтақавий фаровонлик ва хавфсизликни сақлаш бўйича ҳамкорлик масалаларини муҳокама қилдик», - дея қайд этди Ўзбекистон ТИВ раҳбари.
Музокаралар якунида икки давлат ташқи сиёсат идоралари раҳбарлари Ўзбекистон ва Қозоғистон Ташқи ишлар вазирликлари ўртасида 2024-2025 йилларга мўлжалланган ҳамкорлик дастурини имзолади.
Мавзуга оид
09:50 / 13.12.2024
“Муҳожирларимиз ҳар қанча камситилса ҳам, ТИВдан садо йўқ” — хориждаги ватандошларни ким ҳимоя қилади?
17:04 / 11.12.2024
Қозоғистонда куйдирги сабабли чорва учун мажбурий карантин жорий этилди
16:39 / 02.12.2024
“Ташқи сиёсат концепцияси ёпиқ бўлиши мумкин эмас” — Содиқ Сафоев
14:17 / 26.11.2024