Марказий банк бошқарувининг “Қарз олувчи жисмоний шахсларнинг қарз юкини тартибга солиш тўғрисидаги низомга ўзгартириш ва қўшимчалар киритиш тўғрисида”ги қарори қабул қилинди.
Микроқарз шартномасига асосан уни сўндириш муддати 36 ойдан ошган тақдирда, қарз юки бўйича ўртача ойлик тўловлар миқдори ҳисоб-китобида микроқарз бўйича барча тўловлар 36 ойга тенг миқдорда тақсимланади, бундан ипотека кредитлари ва Иқтисодиёт ва молия вазирлиги томонидан жойлаштириладиган ресурслар ҳисобидан ажратилган таълим кредитлари мустасно.
Ипотека кредити шартномасига асосан уни сўндириш муддати 180 ойдан ошган тақдирда, қарз юки бўйича ўртача ойлик тўловлар миқдори ҳисоб-китобида кредит бўйича барча тўловлар 180 ойга тенг миқдорда тақсимланади, бундан давлат дастурлари доирасида ажратилган ипотека кредитлари мустасно.
2024 йил 1 июлга қадар қарз берувчи томонидан микроқарзлар ажратишда жисмоний шахснинг қарз юки кўрсаткичи 50 фоиздан ошмаслиги керак.
2024 йил 1 июлдан 2025 йил 1 январга қадар ушбу кўрсаткич 60 фоиздан, 2025 йил 1 январдан бошлаб — 50 фоиздан ошмаслиги керак.
