Чилонзор туманида Lacetti автомобили иштирокида йўл-транспорт ҳодисаси содир бўлди. У йўлни ажратиб турувчи темир панжарага келиб урилган.
Фото: Тошкент шаҳар ИИББ ЙҲХБ
Жорий йилнинг 10 май куни соат 23:00 ларда Чилонзор тумани Муқимий кўчасида йўл-транспорт ҳодисаси юз берди.
Ҳайдовчи, 2004 йилда туғилган М.Р. ўз бошқарувида бўлган Lacetti русумли автомашинасини бошқариб келаётиб рул бошқарувини йўқотган ва йўлни ажратиб турувчи темир панжарага тўқнашган.
ЙТҲ натижасида тан жароҳат олганлар йўқ.
Ҳолат юзасидан Тошкент шаҳар ИИББ ЙҲХБ масъул ходимлари томонидан ўрнатилган тартибда йўл транспорт ҳодисаси расмийлаштирилган.
