Мадриддан Ўзбекистон шаҳарларига янги чартер ҳаво қатновлари йўлга қўйилди

Мадрид–Тошкент–Мадрид ва Мадрид–Урганч–Мадрид йўналишлари бўйича ҳаво қатновлари World2Fly авиакомпаниясининг Airbus 330-300 самолётларида ҳар икки ҳафтада бир марта амалга оширилади.

Photo: Setop

Испаниянинг етакчи El Mundo Financiero электрон нашрида Мадриддан Ўзбекистон шаҳарларига йўлга қўйилган янги чартер рейсларга бағишланган мақола эълон қилинди, деб хабар бермоқда "Дунё".

Мақолада қайд этилишича, Испаниянинг энг йирик туроператори World2Meet Мадриддан Ўзбекистонга чартер рейсларни йўлга қўйди. Улар Мадридни Урганч ва Тошкент билан боғлайди.

"Мадрид–Тошкент–Мадрид" ва "Мадрид–Урганч–Мадрид" йўналишлари бўйича ҳаво қатновлари World2Fly авиакомпаниясининг Airbus 330-300 самолётларида ҳар икки ҳафтада бир марта амалга оширилади", – дейилади мақолада.

Маълум қилинганидек, "Мадрид-Тошкент" йўналишида учган биринчи самолёт 23 май куни Ўзбекистон пойтахтига қўнди.

#Мадрид #чартер