Будапештни “Спа шаҳар”га айлантирган иссиқ булоқлар ҳақида нималар маълум?

Иссиқ булоқлар таркибидаги турли хил минераллар туфайли турли касалликларни даволашда самарали восита ҳисобланади. Ревматологлар, дерматологлар, невропатологлар, кардиологлар ва физиотерапевтлар бу табиий манбани саломатликни тиклашда маслаҳат берадилар.

Иссиқ булоқлар – ноёб табиат ҳодисаси

Иссиқ булоқлар ернинг турли нуқталарида, турли ҳарорат ва минерал таркибга эга бўлиб, дунёнинг деярли ҳар бир қитъасида учрайди. Геотермал булоқлар ер остидаги иссиқлик манбалари туфайли пайдо бўлади. Улар, асосан, магматик, тектоник, гидротермал жараёнлар натижасида юзага келади.

Ер остидаги магма яқин жойлашган ер қаъридаги сувларни иситади. Бу сувлар юзага чиқиб, иссиқ булоқларни ҳосил қилади. Яна бир ҳолатда эса ер қаъридаги ёриқлар ва тарқоқликлар сувларнинг ернинг чуқур қатламларига тушишига имкон беради. Бу ердаги иссиқлик сувларни иситади ва улар қайта юзага чиқиб, иссиқ булоқлар ҳосил бўлади.

Бундан ташқари, ер остидаги катта босим ва ҳарорат туфайли сув буғланиб, қайта суюқлик ҳолатига ўтади. Бу жараёнлар иссиқ булоқларни пайдо қилади.

Иссиқ булоқлар қайси хасталикларда ёрдам беради?

Иссиқ булоқлар шифобахш хусусиятларга эга бўлиб, улар турли касалликларни даволашда ёрдам беради. Улар таркибида турли хил минераллар танага ижобий таъсир кўрсатади. Иссиқ булоқларнинг шифобахш хусусиятлари туфайли:

Ревматологлар ревматизм ва артрит каби бўғим касалликларини даволашда;

Дерматологлар тери касалликларини даволашда;

Физиотерапевтлар умуртқа ва мускул оғриқларини даволаш учун;

Неврологлар стресс ва чарчоқни камайтиришда;

Ортопедлар жароҳатлар ва суяк касалликларини тиклашда;

Кардиологлар қон айланишини яхшилаш ва умумий ҳолатни яхшилаш мақсадида иссиқ булоқларни тавсия қилишади.

Геотермал булоқларга бой мамлакатлар

Дунёнинг кўплаб мамлакатларида бундай булоқлар мавжуд. Улар орасида:

Будапештдаги Széchenyi ва Gellért булоқлари;

Исландиядаги Blue Lagoon ва Geysir иссиқ булоқлари;

Италиядаги Saturnia иссиқ булоқлари;

Туркиядаги Памуккале (Pamukkale) термал булоқлари энг машҳур ҳисобланади

“Спа шаҳар” - Будапешт

Венгрия пойтахтининг замин ости ҳовузлари ва иссиқ булоқлари уни саёҳатчилар учун янада жозибадор қилади. Будапешт "Спа шаҳар" сифатида танилган, чунки у ерда 100 дан ортиқ табиий иссиқ булоқлар мавжуд. Шаҳарда 21 та замин ости ҳовузи бор ва уларнинг айримлари римликлар давридан бошлаб ишлатилган. Буларнинг энг машҳурлари — Сечени (Széchenyi), Геллерт (Gellért) ва Рудаш (Rudas) иссиқ булоқлари ҳисобланади.

Европадаги энг машҳур туристик йўналишлардан бири бўлган Будапештга ҳар йили тахминан 4-5 миллионга яқин сайёҳ ташриф буюради. Бу иссиқ булоқлар нафақат Будапештнинг аҳолисига, балки бутун дунёдан келган туристларга ҳам хизмат қилади.

Айни пайтда Ўзбекистондан Тошкент-Будапешт-Тошкент йўналишида ҳафтанинг якшанба кунларида авиарейслар орқали Венгрияга осон ва хавфсиз етиб олиш мумкин. Парвозлар Qanot Sharq авиакомпанияси томонидан йўлга қўйилган. Компания қулай нархларда авиачипталарни тақдим этади.

Маълумот учун телефонлар: (+998) 71−227−93−07. (+998) 71-227-57-71

Сайт: qanotsharq.com

Instagram: @qanotsharq

Telegram: t.me/qanotsharq