Дам олиш кунлари қуруқ об-ҳаво бўлиши кутилмоқда

Ўзбекистонда дам олиш кунлари асосан кам булутли ва қуруқ об-ҳаво сақланиб туради. Ҳарорат кундуз кунлари +37…+40 даража атрофида, жанубда +42 даражагача кўтарилади.

Фото: Kun.uz

8−10 август кунлари Ўзбекистон ҳудуди бўйича асосан кам булутли ва қуруқ об-ҳаво сақланиб туради, дея хабар бермоқда Ўзгидромет.

Жума куни ҳаво ҳарорати асосан кундузи +35…+37 даража, жанубда +40 даражагача бўлади. Синоптикларга кўра, бу август ойи биринчи ўн кунлигининг иқлимий меъёрига яқиндир.

Дам олиш кунлари ҳарорат кундуз кунлари +37…+40 даража атрофида, жанубда +42 даражагача кўтарилади.

Шамол 7–12 метр/сония тезликда эсади, 10 августда республика шимолида баъзи жойларда 13–18 метр/сониягача кучайиши, чанг-тўзонлар билан кузатилиши мумкин.

Тошкентда шаҳрида асосан кам булутли об-ҳаво кузатилади. Шамол шарқдан 3–8 метр/сония тезликда эсади. Ҳарорат кечалари +21, +23 даража, кундуз кунлари 8 августда +35…+37 даража, 9–10 августда +37…+39 даража бўлади.