Россияда радиоактив автомобилларни зудлик билан сотувдан олишга чақиришди

Аввалроқ Перм политехника институти олимлари Хитойда ишлаб чиқарилган гибрид автомобилларда радиацион фон меъёрдагидан саккиз баравар юқорилигини аниқлашганди.

Фото: Reuters

Хитойнинг радиоактив гибрид автомобиллари ишлаб чиқарувчининг ўзига қайтариб юборилиши керак, деди “Россия автомобилчилари ҳаракати” вице-президенти Леонид Ольшанский.

Қайд этилишича, мотор, инверторлар ва литий-ион батарея ўзидан радиация чиқаради. Бундай машинада узоқ вақт ўтириш неврологик бузилишлар, тушкунлик ва ҳатто саратон касалликларини келтириб чиқаради, деган экспертлар.

“Бу машиналарни зудлик билан сотувдан олиш керак. Сотилган барча машиналарни ортга қайтариш ва харидорларнинг пулларини қайтиб бериш керак. Буни Роспотребнадзор прокуратура билан ҳамкорликда амалга ошириши лозим”, — деди Ольшанский.

#радиация #гибрид автомобиллар

Kun.uz янгиликларини Google News'да кузатинг

+ Обуна бўлиш