Қўшимча функционаллар
-
Тунги кўриниш
Axel Springer немис ҳолдинги The Telegraph газетасини сотиб олди
Британиянинг The Telegraph газетасини сотиб олган Axel Springer немис медиа ҳолдинги 170 йиллик тарихга эга ушбу газетани АҚШ бозорига олиб чиқиш ва уни инглиз тилидаги дунёдаги энг кўп ўқиладиган ўнг-марказчи нашрга айлантириш ниятида.
Фото: REUTERS
Германиянинг Axel Springer медиа ҳолдинги 6 март, жума куни, Британиянинг The Telegraph газетасини 575 миллион фунт стерлинг (тахминан 662 миллион евро)га сотиб олиш бўйича келишувга эришганини эълон қилди. Битим нашрнинг ҳозирги эгаси — Американинг RedBird инвестиция компанияси ва Абу-Дабининг IMI медиа инвестициялар жамғармасининг қўшма корхонаси бўлган RedBird IMI консорциуми билан тузилди.
Axel Springer раҳбари Матиас Дёпфнер 170 йиллик тарихга эга британ газетасини АҚШ бозорига олиб чиқиш ва уни “инглиз тилидаги дунёдаги энг кўп ўқиладиган ва интеллектуал жиҳатдан илҳомлантирувчи ўнг-марказчи ОАВ”га айлантириш режаси ҳақида маълум қилди. Бу мақсадга эришишда Politico ва Business Insider каби, аллақачон Axel Springer'га қарашли бўлган нашрлар тажрибаси, шунингдек Германияда машҳур Bild ва Die Welt газеталарининг тажрибаси ёрдам бериши кутилмоқда.
“20 йилдан ортиқ вақт аввал биз The Telegraph'ни сотиб олишга уринган эдик, аммо ўшанда бунинг уддасидан чиқа олмаганмиз. Энди эса орзумиз ушалди”, — деди Дёпфнер.
2025 йил ноябрида Daily Mail таблоиди эгаси бўлган DMGT гуруҳи RedBird IMI билан The Telegraph'ни 500 миллион фунт стерлингга (тахминан 577 миллион евро) сотиб олиш бўйича келишувга эришган эди, аммо лейбористлар ҳукумати регулятор текширувларини бошлаган.
Axel Springer билан тузилган битимни ҳам Британия регулятори тасдиқлаши керак. Буюк Британия маданият вазири Лиза Нэнди ушбу битимни ўрганиш ниятида эканини билдирди.
