2030 йилгача яшиллик даражасини 30 фоизга етказиш режаси тақдим этилди

Ўзбекистонда 2030 йилгача ҳудудларнинг камида 30 фоизини кўкаламзорлаштиришга қаратилган кенг қамровли дастур ишлаб чиқилди. Ушбу ташаббус атроф-муҳитни муҳофаза қилиш, ҳаво сифатини яхшилаш ҳамда аҳоли саломатлигини мустаҳкамлашга хизмат қилиши кутилмоқда.

Фото: Президент матбуот хизмати

Лойиҳа доирасида шаҳар ва қишлоқларда яшил ҳудудларни кенгайтириш, янги боғ ва истироҳат масканларини барпо этиш, шунингдек, чўлланишга қарши курашиш чоралари кўзда тутилган.

Шу билан бирга, “Яшил макон” умуммиллий ҳаракати доирасида дарахт экиш ҳажмларини ошириш ва уларни парваришлаш тизимини такомиллаштириш режалаштирилмоқда.

Мазкур дастур амалга оширилиши натижасида атмосфера ҳавосидаги зарарли моддалар миқдори камаяди, шаҳарларда микроиқлим яхшиланади ва экологик барқарорлик таъминланади.

Шунингдек, аҳоли ўртасида экологик маданиятни ошириш, ёшларни табиатга эҳтиёткорона муносабатда бўлишга ўргатишга қаратилган тарғибот ишлари ҳам кучайтирилади.