Қўшимча функционаллар
-
Тунги кўриниш
Ногиронлик белгиланган болаларга “Эрта аралашув” хизмати кўрсатилади
Хизматдан фойдаланиш учун боланинг отаси ёки онаси “Инсон” маркази, Давлат хизматлари марказига ёхуд ЯИДХП (my.gov.uz) ёки “Ижтимоий карта” иловаси орқали мурожаат қилиши мумкин.
Ҳукумат қарори билан “Эрта аралашув” хизмати кўрсатилишини ташкил этиш тартиби тўғрисида”ги низом тасдиқланди.
Қарорга кўра, “Эрта аралашув” хизмати қуйидаги болаларга кўрсатилади:
- белгиланган ташхислар бўйича ногиронлик белгиланган туғилгандан бошлаб 3 ёшгача бўлган болалар;
- оилавий шифокор томонидан ривожланишида орқада қолиш хавфи мавжудлиги ҳақида хулоса берилган 1 ёшгача бўлган болалар;
- ривожланишида орқада қолиш хавфи мавжудлиги ҳақида хулоса берилган 1-3 ёшдаги болалар.
“Эрта аралашув” хизматини кўрсатиш истагини билдирган нодавлат ташкилотлар электрон реестрга киритилади.
Боланинг отаси ёки онаси хизматдан фойдаланиш учун “Инсон” маркази, Давлат хизматлари марказига ёхуд ЯИДХП (my.gov.uz) ёки “Ижтимоий карта” иловаси орқали мурожаат қилиши мумкин.
Сўровнома тасдиқлангандан сўнг 1 иш кунида бола “Эрта аралашув” хизматидан фойдаланиши учун электрон ваучер шаклланади.
Ваучер шаклланган санадан бошлаб боланинг ота-онаси 30 кун ичида ваучердан фойдаланишни бошлаши лозим.
Буюртма нодавлат ташкилот томонидан қабул қилингандан сўнг 10 иш куни ичида боланинг ота-онаси билан биргаликда боланинг эрта аралашув режаси ишлаб чиқилади.
“Эрта аралашув” хизмати ваучернинг амал қилиш муддати давомида 6 кунлик иш ҳафтасида 08:00 дан 18:00 гача бўлган вақт оралиғида кўрсатилади.
Нодавлат ташкилотга кўрсатилган хизмат харажатлари ваучернинг ҳақиқатда фойдаланилган қисми бўйича субсидия шаклида тўланади.
