Қўшимча функционаллар
-
Тунги кўриниш
“Турон” метро бекати томининг бир қисми қулаб, икки киши жароҳатланди
Тошкент метросининг Ер усти ҳалқа йўналишидаги “Турон” бекатида шифтнинг бир қавати силжиб, бекат майдонига қулади. Метрополитен маъмурияти хабарига кўра, ҳодиса оқибатида икки йўловчи енгил тан жароҳати олган. Уларга воқеа жойида биринчи тиббий ёрдам кўрсатилган.
Воқеа 16 июл куни соат 14:34 да рўй берган. Шундан кейин “Турон” бекатида поездлар ҳаракати вақтинча тўхтатилган.
Ҳозирда мутахассислар томонидан ҳолат юзасидан техник ўрганиш ишлари олиб борилмоқда ҳамда аниқланган камчиликларни бартараф этиш чоралари кўрилмоқда.
Йўловчиларга қулайлик яратиш мақсадида “Қипчоқ” ва “Қурувчилар” метро бекатлари оралиғида бепул метробуслар ҳаракати йўлга қўйилган.
“Тошкент метрополитени” ДУК юзага келган вақтинчалик ноқулайликлар учун йўловчилардан узр сўрайди ҳамда йўловчилар хавфсизлигини таъминлаш – энг устувор йўналиши эканини маълум қилади”, – дейилади компания баёнотида.
