Fuqarolarga qonunchilik tashabbusini berish ko‘zda tutilgan qonun loyihasi e’lon qilindi

«Ayrim qonun hujjatlariga o‘zgartirish va qo‘shimchalar kiritish to‘g‘risida»gi qonun loyihasi muhokamaga qo‘yildi.

O‘zgartirishlar qatorida – quyidagi sub’yektlar tomonidan  qonunchilik takliflarini ilgari surish va Qonunchilik palatasiga kiritish mumkinligi ko‘zda tutilgan: 

100 ming nafardan kam bo‘lmagan fuqarolar;
Senat;
Ombudsman;
Markaziy saylov komissiyasi.
 
Quyidagi masalalar fuqarolar tomonidan kiritiladigan qonunchilik taklifining predmeti bo‘lishi mumkin emas:

O‘zbekiston hududiy yaxlitligini o‘zgartirish;
amnistiya va afv etish;
mansabdor shaxslarni tayinlash va vazifasidan ozod etish.

Qonun loyihasi quyidagilarni nazarda tutmoqda:

Qonunchilik palatasi va Senat mutlaq vakolatlarini hamda parlament nazoratini amalga oshirishning huquqiy asoslarini takomillashtirishni;
qonunlarni qabul qilishning yangi tartibini amaldagi qonunchilikda belgilashni.

Saylov kodeksi va quyidagi qonunlarga o‘zgartirishlar kiritish rejalashtirilmoqda:

«Prokuratura to‘g‘risida»;
«Oliy Majlisning Inson huquqlari bo‘yicha vakili (ombudsman) to‘g‘risida»;
«Referendum yakunlari hamda davlat hokimiyati tashkil etilishining asosiy prinsiplari to‘g‘risida»;
«Oliy Majlis Senati to‘g‘risida»;
«Oliy Majlis Qonunchilik palatasi to‘g‘risida»;
«Oliy Majlis Qonunchilik palatasining Reglamenti to‘g‘risida»;
«Oliy Majlis Senatining Reglamenti to‘g‘risida»;
«Oliy Majlis Qonunchilik palatasi deputatining va Senati a’zosining maqomi to‘g‘risida»;
«Qonunlar loyihalarini tayyorlash va Oliy Majlis Qonunchilik palatasiga kiritish tartibi to‘g‘risida»;
«Davlat boshqaruvini yangilash va yanada demokratlashtirish hamda mamlakatni modernizatsiya qilishda siyosiy partiyalarning rolini kuchaytirish to‘g‘risida»;
«Parlament nazorati to‘g‘risida»;
«Davlat xavfsizlik xizmati to‘g‘risida»;
«Hisob palatasi to‘g‘risida».