Ўзбекистон ташқи ишлар вазирининг ўринбосари Музаффар Мадраҳимов Франция элчиси Орелия Бушез билан учрашув ўтказди.
ТИВ маълумотига кўра, суҳбат чоғида Ўзбекистон-Франция кун тартибининг долзарб масалалари, шунингдек, томонларни қизиқтирган барча соҳаларда икки томонлама муносабатларни янада ривожлантириш ва мустаҳкамлаш истиқболлари муҳокама қилинди.
2023 йил ноябр ойида Франция президенти Эммануэл Макроннинг Ўзбекистонга расмий ташрифи доирасида эришилган келишувларни амалга оширилиши атрофлича кўриб чиқилди.
Томонлар 2024 йилга режалаштирилган Ўзбекистон-Франция мулоқотлари жадвали, жумладан, Савдо-иқтисодий ҳамкорлик бўйича ҳукуматлараро комиссиянинг навбатдаги йиғилиши ва ташқи ишлар вазирликлари ўртасидаги сиёсий маслаҳатлашувларнинг 15-даврасини ўтказиш юзасидан фикр алмашди.
