Шота Арвеладзе: «Аввало ҳалок бўлган «Навбаҳор» мухлисларининг оиласига ҳамдардлик билдирмоқчиман»

«Сўзимни бошлашдан аввал ўтган ҳафта ҳалок бўлган футбол мухлисларининг оила аъзоларига ва «Навбаҳор» клубига ҳамдардлик билдирмоқчиман. Ниятим мавсум футбол мухлислари учун фақат қувончли дамлар олиб келсин.

Ўйин ҳақида гапирадиган бўлсам, дастлабки турданоқ амалдаги чемпионга қарши ўйнаш осон эмас. Ўйин тенг бўлди деб ўйлайман. Иккинчи бўлимда эса биз устун эканимизни кўрсатдик. Биз ғалабага муносиб бўлдик. Мухлисларимизни табриклайман. Бу ҳали ҳаммаси эмас. Биз кейинги ўйинлар ҳақида ўйлашимиз керак. Биласизми, футболда энг муҳими кейинги ўйин.

Умид қиламан футболчиларимиз терма жамоадан ҳам ҳозирги каби яхши кайфиятда қайтишади ва чемпионатни яхши давом эттирамиз.

Биз мазмунли ўйнадик. Мен учун энг муҳими бир-биримизни тушуниш, футболчилар менинг нимани хоҳлаётганимни тушуниши. Бизда ҳамма яхши ҳолатда. Марат ҳам, Черан ҳам, Игорь ҳам асосий таркибда ўйнай олишади.

Ҳа, футболчиларнинг терма жамоаларга кетиши мураббий учун унчалик ёқимли нарса эмас, лекин катта жамоаларнинг футболчилари терма жамоага чақирилишади. Бу оддий жараён деб ўйлайман.

Учинчи голдан кейин бўшашиб қолдик деб ўйламайман. Шунчаки бугунги рақибимиз кучли эди. Ахир бугун охирги уч йилдаги Ўзбекистон чемпиони билан ўйнадик».