Испанияда буқалар чопиши вақтида 28 киши жароҳат олди

Испаниянинг Памплона шаҳрида буқалар чопиши вақтида 28 киши жароҳат олди. Sky News’нинг маълум қилишича, икки киши кўкрак қафаси, 3 киши бош мия чаноғи жароҳати олган, бир киши белидан лат еган. Улар шифохонага етказилганлар. 

Буқаларнинг 850 метрга чопиши 2 дақиқа 12 сония давом этган.

2017 йилда шаҳардаги худди шундай буқалар чопишида 2 киши жароҳат олган ва 100 йил ичида биринчи марта матадор ҳалок бўлган. У ўзининг плашчида ўралишиб қолиб, ерга йиқилганда буқа ҳужумига учраган.