Ўзбекистонда умумхалқ хайрия ҳашари ўтказилади

24−25 август кунлари (шанба ва якшанба) Мустақиллик байрами арафасида умумхалқ хайрия ҳашари бўлиб ўтади.

Фото: ЎзА

Ўзбекистонда 24−25 август кунлари умумхалқ хайрия ҳашари ўтказилади. Бу ҳақда ҳукуматнинг тегишли фармойиши қабул қилинди.

Ушбу саналар шанба ва якшанба кунига тўғри келмоқда.

Ундан кўзланган мақсад маҳаллалар, аҳоли турар жойлари, хиёбонлар, истироҳат боғлари, зиёратгоҳлар ва қабристонлар ва бошқа жойларни ободонлаштиришдан иборат.

Бундан ташқари, шу кунлари аҳолининг ижтимоий ҳимояга муҳтож қатламига ёрдам кўрсатилади.