Mercedes-AMG компанияси Porsche Cayman’га рақобатчи модел ишлаб чиқаради

Mercedes-AMG компанияси яна битта моделни ишлаб чиқариш имкониятини кўриб чиқмоқда. Янги модел Porsche Cayman ва Boxster’га рақобат қилади. Бу ҳақда компания раҳбари Тобиас Моерсга иқтибос келтирган ҳолда Autocar нашри хабар берди. 

“Бозорга Mercedes-AMG GT 4-Door Coupe каби 4 эшикли автомобил зарур. Йўлтанламасларга келсак, бундай моделлардан етарлича мавжуд, шу сабабли бошқа модел ишлаб чиқарамиз”, деб айтган Моерс.

Бу катта бўлмаган ва ҳамёнбоп спорткар бўлиши мумкин. Янги модел Mercedes-Benz SLC каби бўлиши, бироқ кучлироқ ва Mercedes-AMG ғоясига мос бўлади. 

Mercedes-AMG GT 4-Door Coupe жорий йилда пайдо бўлади. Унинг двигателлари қатори 585 ва 639 от кучига эга двигателлардан ва 6 цилиндрли турбомотор негизидаги гибрид куч қурилмасидан иборат бўлади. Спорткарнинг етакчи версияси 100 км/соат тезликка 3,2 сонияда эриша олади, максимал тезлиги эса 315 км/соатни ташил қилади.