Ногиронлиги бўлган ёшларга субсидия ажратиш тартиби тушунтирилди

“Давлат хизматлари янгиликлари” каналига кўра, ўқиш харажатлари учун субсидия олишда:

• агар ариза ўн олти ёшга тўлмаган ногиронлиги бўлган бола қонуний вакили томонидан берилса, унинг шахсий идентификация рақами (ЖШШИР) ва бола қонуний вакили эканини тасдиқловчи ҳужжат;
• нодавлат таълим ташкилоти томонидан ариза берувчини ўқитиш тўғрисида шартнома электрон нусхаси (pdf ёки jpg форматда);
• шартномада нодавлат таълим ташкилоти номи, СТИР, банк ҳисобварағи, жойлашган манзили, ариза берувчи ўқишни истаган касб-ҳунар тури ёки таълим йўналиши, ўқиш муддати, ўқиш бир ойлик ва умумий тўлов миқдори кўрсатилиши лозим.

Яшаш ва транспорт харажатлари учун субсидия олишда:

• транспорт харажатларини қоплаш сўралганда — йўл харажатларини тасдиқловчи ҳужжатлар электрон нусхалари (агар мавжуд бўлса, pdf ёки jpg форматда);
• яшаш харажатларини қоплаш сўралганда — ижара шартномаси ва унинг солиқ органларида ҳисобга қўйилгани ҳақидаги билдиришнома электрон нусхаси (агар мавжуд бўлса, pdf ёки jpg форматда).

Аризаларни кўриб чиқиш муддати 15 иш куни.