Тунги кўриниш
1 апрелдан бошлаб метан заправкаларда газнинг энг баланд чакана нархи 3 350 сўм бўлади.
Фото: Kun.uz
Вазирлар Маҳкамасининг қарори билан, метан газ учун белгиланган энг баланд чакана нархнинг амал қилиш муддати узайтириляпти. Бу ҳақда Энергетика вазирлиги матбуот хизмати хабар берди.
Маълум қилинишича, эндиликда автомобилларга газ тўлдириш компрессор шохобчаларида табиий газни сотишда унинг энг баланд чакана нархи 2024 йил 1 июнгача бир куб метр учун 3 350 сўм қилиб белгиланмоқда.
Яъни 1 апрелдан эътиборан якунига етиши керак бўлган энг баланд чакана нарх учун белгиланган муддат яна икки ой давомида жузъий ўзгартишлар билан амал қилади (аввалги нарх 3 250 сўм эди).
Бундан аввалроқ ижтимоий тармоқларда Тошкентдаги айрим газ тўлдириш шохобчаларида 1 апрелдан метан газ нархи ошиши ҳақида эълонлар пайдо бўлган, уларда 1 метр куб газ нархи 3800 сўм бўлиши маълум қилинганди.
21:01 / 01.08.2024
16:18 / 24.08.2023
14:48 / 06.05.2023
21:37 / 24.02.2023
