Исроил Мадримов мутлақ жаҳон чемпионига қарши рингга кўтарилиши мумкин

Супер ярим ўрта вазн тоифасида WBA камари соҳиби Исроил Мадримов (10-0-1, 7 КО) кейинги жангини яримўрта вазн тоифасида мутлақ жаҳон чемпионига қарши ўтказиши мумкин. 

Tribuna.uz манбасига кўра, Исроил вазн тоифасидан қатъи назар BoxRec рейтингида пешқадамлик қилаётган Теренс Кроуфордага қарши рингга кўтарилади ва WBA камарини ҳимоя қилади. 

Жанг шу йилнинг август ойида АҚШнинг Калифорния штатида ўтказилиши кутилмоқда. 

Маълумот учун, америкалик 36 ёшли чармқўлқоп устаси профессионал фаолиятида 40 та жанг (31 нокаут) ўтказиб, уларнинг барчасида ғалаба қозонган.

Эслатиб ўтамиз, енгилмас Кроуфорд сўнгги бор 2023 йилнинг июл ойида ҳамюрти Эррол Спенсни муддатидан аввал мағлуб этганди. Исроил Мадримов эса шу йилнинг март ойида россиялик Магомед Қурбоновдан устун келиб, WBА камарини қўлга киритди.