“Қулай яшанг”: UZCARD янги шиорини тақдим этди ва бренд ривожланишининг навбатдаги босқичини белгилади

Бугун компания янги шиорини тақдим этмоқда — “Қулай яшанг”. Ушбу шиор UZCARD фаолиятининг асосий тамойилини ифодалайди: технологиялар сезилмас бўлиши ва инсон қулайлиги учун хизмат қилиши керак.

Мазкур фалсафа йиллар давомида шаклланган кенг кўламли инфратузилмага таянади. Айни пайтда муомалада 24 миллионта карта мавжуд. Мамлакат бўйлаб UZCARD карталарини қабул қилувчи 260 мингта POS-терминал ва 18 мингдан ортиқ банкомат фаолият юритмоқда.

Тўловлар ва ўтказмалар аллақачон кундалик ҳаётнинг табиий қисмига айланган — кўпинча фойдаланувчилар бу жараённи айнан қайси тизим таъминлаётгани ҳақида ўйлаб ҳам кўрмайди. Янги шиор ушбу ролни янада аниқ ва равшан ифодалайди.

Янгиланиш бренднинг визуал тизимига ҳам тааллуқли: логотип фойдаланувчилар учун таниш бўлган таниб олиниш хусусиятини сақлаб қолган ҳолда, янада замонавий ва мослашувчан кўринишга эга бўлди. Янгиланган бренд идентикаси компания коммуникацияларини янада яхлит қилишга хизмат қилади.

Бренд ривожланишининг янги босқичи, шунингдек, UZCARD фаолияти асосида ётган қадриятларга таянади: ишончлилик, технологик ривожланганлик, оммабоплик ва мижозга йўналтирилганлик. Айнан шу қадриятлар компаниянинг тўлов инфратузилмаси ва сервисларини ривожлантиришга бўлган ёндашувини белгилайди: тизим барқарорлигини таъминлаш, замонавий ечимларни жорий этиш, рақамли тўловларни кенг аудитория учун қулай қилиш ва фойдаланувчиларнинг кундалик эҳтиёжларига эътиборни сақлаб қолиш.

Шу тариқа, “Қулай яшанг” шиори UZCARD ўз ривожланишини қурaётган ёндашувнинг аниқ ифодасига айланади.

UZCARD. Қулай яшанг.

  Реклама ҳуқуқи асосида