Францияда одамлар аттракцион бузилиши оқибатида 52 метр баландликда 9 соат қолиб кетишди

Франциянинг Ренн шаҳрида одамлар аттракцион бузилиши сабабли 52 метр баландликда 9 соат  қолиб кетди ва 1 январь тонгги соат 6га яқин пастга туширилди.

Таъкидланишича, BomberMaxxx деб номланган аттракцион кабинасида 8 киши, жумладан 13 ёшдан 17 ёшгача бўлган 5 бола бўлган. Улар аттракционга 31 декабрда ўтиришган ва қутқарувчилар саъй-ҳаракатлари билан кейинги кун соат 5:40дагина ерга туширилган. 

Қутқарув операциясига вертолёт жалб қилинган, чунки нарвон билан кабинага яқинлашишнинг иложи бўлмаган. Воқеа оқибатида ҳеч ким жабрланмаган. Бу вақтда кўнгилочар боғдаги баъзи аттракционлар ишлашда давом этаверган, бироқ аксарият ташрифчилар одамларнинг қутқарилиши ортидан кузатиб туришган.