16−18 март кунлари (шанба, якшанба ва душанба) Наврўз арафасида анъанавий умумхалқ хайрия ҳашари бўлиб ўтади.
Ўзбекистонда 16−18 март кунлари умумхалқ хайрия ҳашари ўтказилади.
Давлат хизматини ривожлантириш агентлиги хабарига кўра, ҳашар «Обод ва файзли маҳалла — юрт кўрки» шиори остида ўтказилади.
Ушбу саналар шанба, якшанба ва душанба кунига тўғри келмоқда.
Ундан кўзланган мақсад маҳаллалар, аҳоли турар жойлари, хиёбонлар, истироҳат боғлари, зиёратгоҳлар ва қабристонлар ва бошқа жойларни ободонлаштиришдан иборат. Бундан ташқари, шу куни аҳолининг ижтимоий ҳимояга муҳтож қатламига ёрдам кўрсатилади.
