Шоҳрух Гадоев ўз голи билан жамоасига ғалаба келтирди

Фото: Facebook/DCFC

Жанубий Кореянинг «Тэжон Ситизен» жамоасида тўп сураётган Шоҳрух Гадоев навбатдаги турда жамоасининг муҳим голларидан бирига муаллифлик қилди.

«Сувон Сити» меҳмони бўлган тэжонликлар учрашувда муҳим ғалабани қўлга киритди — 2:1. Учрашувнинг 49-дақиқасида Парк Ин Ҳёк ҳисобни очган бўлса, 54-дақиқада Шоҳрух Гадоев ҳисобдаги фарқни иккита оширди. Сўнгги дақиқада мезбонларнинг бразилиялик легионери Алвеш фарқни биттага қисқартира олди, холос.

Ушбу ғалабадан кейин «Тэжон» очколари сонини 10тага етказиб олди ва Кей-2 лиганинг хавфли зонасидан 7-ўрингача кўтарилишга муваффақ бўлди. «Сувон» эса 9 очко билан 9-ўринга (жами 10та жамоа) тушиб кетди.

Жанубий Корея Кей-2 лигаси

Сувон Сити - Тэжон Ситизен 1:2 (0:0)
Голлар: Алвеш (90) - Парк Ин Ҳёк (49), Шоҳрух Гадоев (54).