Qoʻshimcha funksionallar
-
Tungi ko‘rinish
O‘zbekiston | 09:47 / 13.06.2023
23610
1 daqiqa o‘qiladi
Qo‘qondagi savdo kompleksida sodir bo‘lgan yong‘in bo‘yicha jinoyat ishi qo‘zg‘atildi
Qo‘qondagi savdo komplekslarida sodir bo‘lgan yong‘in bo‘yicha jinoyat ishi qo‘zg‘atildi. Bu haqda Bosh prokuratura xabar bermoqda.
Videodan kadr
Ma’lum qilinishicha, jinoyat ishi Jinoyat kodeksining 259-moddasi (Yong‘in xavfsizligi qoidalarini buzish) bilan qo‘zg‘atilgan.
Farg‘ona viloyati IIB huzuridagi Tergov boshqarmasi tomonidan tergov harakatlari olib borilmoqda.
12 iyun soat 19:00 da Farg‘ona viloyati Qo‘qon shahrida joylashgan savdo komplekslarida yong‘in sodir bo‘ldi.
Yong‘in-qutqaruv bo‘linmalari tomonidan ko‘rilgan tezkor harakatlar natijasida yong‘in 20:25 da qurshab olinib, yong‘in soat 23:30 da bartaraf etilgan.
Kun.uz muxbirining voqea joyidan xabar berishicha yuzdan ortiq tadbirkorlar mol-mulkiga zarar yetgan.
