Toshkentda qanday qilib yo‘lkirada pul tejash mumkin?

Agar kuch, vaqt va pulni tejash muhim bo‘lsa, jamoat transporti shahar bo‘ylab harakatlanishning eng tejamkor usulidir. Kimdir undan kam foydalanadi, yana kimdir har kuni metro va avtobusda yuradi. Yo‘l haqini istalgan bank kartasi, ATTO transport kartasi yoki to‘lov ilovasi orqali to‘lash mumkin. Ayrim usullar esa yo‘lkirani tejash imkonini beradi.

Foto: Kun.uz

Banklar va to‘lov servislari nimani taklif qiladi

Uzum Visa va Ipak Yuli Visa kartalari hamda Payme plus orqali yo‘l haqi arzonroq tushadi.

Transportda yo‘l haqini to‘lash uchun banklar takliflari

Quyida — olish shartlari va foyda qay shaklda bo‘lishi aytilgan.

Uzum VISA

Uzum Visa bir oyda 40 marta 1050 so‘m miqdorida keshbek (62% atrofida) beradi. Aksiyani faollashtirish uchun yo‘l haqini to‘lash, bo‘lib to‘lash va mikroqarzdan tashqari karta orqali 5 marta xaridni amalga oshiring. So‘ng bankomatda balansni tekshiring.

Ipak Yuli Bank viza kartalari

Aksiya kartani olishingiz bilan ishga tushadi. Yo‘l haqi 990 so‘m bo‘ladi. Kartani onlayn rasmiylashtirish mumkin, yetkazib berish bepul. Kartani olish shartlari quyidagicha:

Ipak Yuli Bank Visa kartasini olish shartlari

Payme plus obunasi

Payme Plus 90%dan ortiq to‘lovlar uchun 1% keshbek beradi — bu 3,5 mingga yaqin do‘kon va servislardir. O‘rta hisobda obuna bo‘yicha umumiy keshbek oyiga 70 000 so‘mgacha tejash imkonini beradi.

Aksiya shartlari va davomiyligini rasmiy saytlar va qo‘llab-quvvatlash xizmatlari orqali aniqlashtirib oling.

ATTO tariflari

Agar transportda muntazam, kuniga 3 martadan ortiq yuradigan bo‘lsangiz, sizga ATTO kartasi mos keladi.

ATTO — transportda yo‘l haqini to‘lash operatori. Shuningdek, transport kartalarini muomalaga chiqaradi.

Tariflar narxlari shahar, karta turi, transport turi va tarifning davomiyligiga (kun, oy, yil) bog‘liq. 4 turdagi kartalar mavjud:

Aholi uchun
Talabalar uchun
O‘quvchilar uchun
Pensionerlar uchun

Aholi uchun mo‘ljallangan kartalar hammabop. Qolganlari esa imtiyozli.

O‘tish tariflari

Tarif sotib olinmaganida ham barcha kartalar o‘tish tariflari bilan ishlaydi. Bir soat ichida bir transportdan boshqa transportga o‘tilganda yo‘l haqi arzonlashadi. Metro va avtobusda o‘tish variantlari:

Kunduzgi tariflar

Bu tariflar transportda ma’lum muddat davomida cheksiz yurish uchun sotib olinadi. Transportda kartani to‘lov qurilmasiga qo‘yish kerak, ammo undan pul yechilmaydi.Turli kartalar uchun tarif variantlari quyidagicha (pensionerlar uchun metro bepul):

ATTO kartasini qanday olish mumkin

Kartalar narxi quyidagicha:

16 000 so‘m — pochta bo‘limlarida
20 000 so‘m — metro kassalarida - faqat aholi uchun mo‘ljallangan kartalar
telefon orqali to‘lash uchun ilovada bepul tarzda virtual karta ochish mumkin

Imtiyozli karta olish uchun hujjat – pensiya guvohnomasi, talabalik guvohnomasi yoki o‘qish joyidan ma’lumotnoma kerak bo‘ladi.

Xulosa

Jamoat transportida yurganingizda yuqoridagi usullar orqali mablag‘ingizni tejashingiz mumkin. Qaysi birini tanlash esa kundalik harakat jadvalingizga bog‘liq.