Tuapseda yong‘in tutuni fonida dengizni neftdan tozalashmoqda – suratlar

Rossiya janubida yana ekologik falokat yuzaga keldi – bu safar urush tufayli. Neft yomg‘iri butun Tuapseni qurum bilan qoplagan. Shaharda nafas olish qiyinlashgan.

Aprel oyi o‘rtalaridan boshlab Ukraina Tuapse bo‘ylab bir necha bor zarba berdi. Bu zarbalarning asosiy nishoni mahalliy neftni qayta ishlash zavodi hamda u bilan bitta kompleksni tashkil etuvchi dengiz terminali bo‘ldi.

Natijada Tuapseda ekologik falokat yuzaga kelgan – neft obektlaridagi yong‘inlar hamda neft mahsulotlari Tuapse daryosiga va Qora dengizga to‘kilishi tufayli. Ukraina dronlarining 1 may kungi so‘nggi hujumi oqibatida chiqqan yong‘inni ham o‘chirishga qariyb ikki kun vaqt ketdi. Shu bilan bir vaqtda, shaharda dengizni neft mahsulotlaridan tozalash ishlari olib borilmoqda.

Tuapse shahri ma’muriyati rahbari Sergey Boyko plyaj 1 iyunga qadar tozalanishini va shahar kuror mavsumiga tayyor bo‘lishini va’da qilmoqda.