Erondagi namoyishlar: O‘zbekiston fuqarolari orasida jabrlanganlar qayd etilmadi

O‘zbekistonning Erondagi elchixonasi ma’lumotlariga ko‘ra, hozirga qadar namoyishlar davomida jabrlanganlar orasida O‘zbekiston fuqarolari aniqlanmagan. Elchixona Eronda bo‘lib turgan yurtdoshlarni xavfsizlik choralariga qat’iy rioya qilishga chaqirdi.

Foto: AP

Erondagi vaziyat O‘zbekiston tomonidan diqqat bilan kuzatib borilmoqda. O‘zbekistonning Erondagi elchixonasi ma’lumotlariga ko‘ra, hozirga qadar namoyishlar davomida jabrlanganlar orasida mamlakatimiz fuqarolari qayd etilmagan.

Shu munosabat bilan, Eronda bo‘lib turgan O‘zbekiston fuqarolaridan miting va namoyishlarda ishtirok etmaslik, odamlar ko‘p to‘planadigan joylardan yiroq bo‘lish hamda shaxsiy xavfsizlik choralariga qat’iy rioya etish so‘raldi.

Zarur hollarda O‘zbekistonning Tehron shahridagi elchixonasiga quyidagi telefon raqamlari orqali murojaat qilish mumkin: +982122299780, +982122832025.

Tayyorlagan Отабек Матназаров

#Eron #namoyishlar

Eronda iqtisodiy inqiroz tufayli boshlangan ommaviy namoyishlar so‘nggi yillardagi mamlakatdagi eng jiddiy antihukumat protestlarga aylanib ketdi. Rasmiylar yirik shaharlarda internet va telefon aloqasini uzib qo‘ydi. Namoyishchilar rejim ag‘darilishi va shohning qaytishini talab qilmoqda.