Rossiyada maktab o‘quvchilarini mobil ilova orqali nazorat qilish mumkin bo‘ladi

Rossiyalik ota-onalar, o‘z farzandlarining o‘qishi va ta'lim muassasasiga borishini kuzatib turish imkoniga ega bo‘lmoqdalar. Ular buning uchun mobil ilovadan foydalanishadi, deb yozmoqda «Izvestiya» nashri.

Rossiyada shu yilning sentabr oyidan «Dnevnik.ru» xizmati ishga tushiriladi. Agar maktab o‘quvchisi yomon baho olsa yoki darsga qatnashmasa, uning ota-onasi telefoniga push-xabar keladi. Ilova shuningdek, o‘qituvchilar bilan muloqot qilish imkonini beruvchi mesenjyerga ham ega bo‘ladi. 

Ushbu dastur yordamida o‘quvchilarga berilgan uy vazifasidan ham xabardor bo‘lish mumkin. 

Ilovada shuningdek, bola qaysi fanda o‘zlashtira olmayotganini ham bilib olish imkoniyati mavjud. 

Ishlab chiqaruvchilarning so‘zlariga ko‘ra, ushbu xizmat birinchi navbatda shisha tolali internet rivojlanmagan va odamlar mobil internetdan faol foydalanuvchi mintaqalar uchun mo‘ljallangan. Ilova eng past internet tezligida ham ishlaydi, bu esa ota-onaga har qanday sharoitda ham bolasini nazorat qilish imkonini beradi.