Tokio paralimpiadasi: O‘zbekiston jami 19ta medal oldi

O‘zbekistonlik paralimpiyachilar Tokio shahrida o‘tayotgan paralimpiya o‘yinlaridagi ishtirokini yakunladi. Musobaqa davomida jami 19 ta medal qo‘lga kiritildi.

4 sentyabr kuni dastlab para-yengil atletikaning F54 toifasida Nurxon Qurbonova kumush medalga sazovor bo‘ldi. U 18,38 metr natija qayd etdi.

Qurbonova avvalroq yadro uloqtirish sektorida bronza medalini ham qo‘lga kiritgandi.

Kun yakunida para-tayekvondochi Guljanoy Naimova O‘zbekistonning Tokio-2020 Paralimpiya o‘yinlaridagi ishtirokiga oltin medal bilan yakun yasab berdi.

Naimova Braziliya vakiliga qarshi kechgan bahsda 8:4 hisobida g‘alaba qozonib, oltin medal sohibasiga aylandi.

Shu tariqa, O‘zbekiston Tokio-2020 Paralimpiya o‘yinlarini 19 ta medal: 8 ta oltin, 5 ta kumush va 6 ta bronza bilan yakunladi.

Ertaga, 5 sentyabr – paralimpiadaning yakuniy kunida 5ta sport turi bo‘yicha musobaqalar o‘zbekistonlik sportchilar ishtirokisiz o‘tadi.

Ayni paytda O‘zbekiston umumjamoa hisobida 16-o‘rinni egallab turibdi.