Uychidagi sex hovlisi hayvon qoldiqlariga to‘lgan – badbo‘y hiddan aholi aziyat chekmoqda

Namangan viloyati Uychi tumani Mevazor qishlog‘ida yashovchilar bir necha yildirki parrandalarga ozuqa tayyorlovchi sexdan chiqadigan badbo‘y hiddan aziyat chekadi.

Aholi vakillarining aytishicha, sex faoliyatida sanitariya qoidalariga amal qilinmayapti. Kushxonalardan olib kelingan hayvon qoldiqlari, ichak-chavoqlari sexning hovlisiga, ochiq maydonlarga to‘kib tashlangan.

“Hayvon qonlari shunday ochiq yerlarda oqib yotaveradi. Mollarning kalla suyaklari qurtlab, joylarni kalamushlar bosib yotibdi. Uning badbo‘y hidi kechasi bilan qishlog‘imizni zaharlab chiqmoqda”, – deydi hududda yashovchilardan biri.

Holatga mas’ul tashkilotlar munosabat bildirishi, zarur choralar ko‘rishi lozim.

#Namangan viloyati #badbo‘y hid

Kun.uz yangiliklarini Google News'da kuzating

+ Obuna bo'lish