1 maydan har oyda ikki marta “avtomobilsiz kun” o‘tkaziladi

Qonunchilikka ko‘ra, mazkur aksiyalar doirasida davlat fuqarolik xizmatchilari uchun qator cheklovlar joriy etiladi. Xususan, ushbu kunlarda ularga xizmat avtotransport vositalaridan foydalanish qat’iyan taqiqlanadi.

Shu bilan birga, agar belgilangan sanalar ish kunlariga to‘g‘ri kelsa, haydovchilarning ish haqi saqlab qolinadi. Bu tartib xodimlarning ijtimoiy himoyasini ta’minlashga qaratilgan.

Mutaxassislar fikricha, “avtomobilsiz kun” aksiyasi shaharlarda havo ifloslanishini kamaytirish, jamoat transportidan foydalanishni rag‘batlantirish hamda aholi orasida ekologik madaniyatni oshirishga xizmat qiladi.

Ma’lum qilinishicha, bunday tashabbuslar dunyo amaliyotida keng qo‘llanib, yo‘l-transport yuklamasini qisqartirish va atrof-muhitni muhofaza qilishda samarali vosita sifatida baholanadi.