Samarqand viloyatining sobiq prokurori Zarbdor tumaniga prokuror etib tayinlandi

Jizzax viloyati prokuraturasining xabar berishicha, Bosh prokurorning buyrug‘iga asosan adliya katta maslahatchisi Ravshan Masharipov Zarbdor tuman prokurori lavozimiga tayinlangan.

Viloyat prokurori I.Ergashxo‘jayev tomonidan R.Masharipov tuman prokuraturasi xodimlariga, IJQK departamenti va MIB tuman bo‘limi boshliqlariga, tuman sektor va huquqni muhofaza qiluvchi organ rahbarlariga tanishtirilgan.

Eslatib o‘tamiz, Ravshan Masharipov 2020 yil noyabr oyida Samarqand viloyati prokurori etib tayinlangandi. Ungacha esa Sirdaryo viloyati prokurori lavozimida ishlagan.

Joriy yil 15 fevral kuni Masharipovning o‘rniga Jahongir Hotamov uning o‘rniga Samarqand viloyati prokurori etib tayinlandi.

Ma’lumot uchun, ayni paytda Zarbdor tumanini Qashqadaryo viloyatining sobiq hokimi Zafar Ro‘ziyev boshqarmoqda. U 2013-2019 yillar oralig‘ida Qashqadaryo viloyati hokimi bo‘lgan.