Shavkat Mirziyoyev “Afrosiyob” poyezdida Jizzax viloyatiga yo‘l oldi

Prezident Shavkat Mirziyoyev bugun Jizzaxga tashrif buyurib, yo‘l-transport infratuzilmasi, qishloq xo‘jaligi, ta’lim, tibbiyot va xizmatlar sohasida amalga oshirilayotgan ishlar bilan tanishadi hamda xalq deputatlari Jizzax viloyati kengashining navbatdan tashqari sessiyasida ishtirok etadi.

Prezident matbuot xizmati taqdim etgan suratdan ma’lum bo‘lishicha, davlat rahbari “Afrosiyob” poyezdida safarga chiqqan.

Eslatib o‘tamiz, 2024 yil dekabr oyidan buyon Jizzax viloyati hokimi vazifasini bajaruvchi sifatida Ulug‘bek Mustafoyev ishlab kelmoqda.

Prezidentning o‘tgan hafta Samarqandga tashrifida 2024 yil noyabridan beri viloyat hokim v.b. sifatida ishlab kelgan Adiz Boboyev ushbu lavozimga tasdiqlangan edi.