Karakasdagi hodisalar fonida: Maduro haqida turli xabarlar tarqaldi

Ayrim manbalar The New York Times’ga tayangan holda Venesuela prezidenti Nikolas Maduroning hozir qayerda ekani noma’lumligi haqida xabar tarqatmoqda. Biroq so‘nggi hodisalar - Karakasdagi portlashlar va elektr uzilishi bo‘yicha xalqaro agentliklar keltirgan ma’lumotlarda Maduroning “yo‘qolib qolgani” haqida rasmiy tasdiq yo‘q, hukumat bayonotlarida esa u favqulodda choralar va safarbarlik rejalari haqida gapirgani aytilgan.

Foto: Luis Jaimes/AFP/Getty Images

3 yanvarga o‘tar kechasi Karakasda ketma-ket portlashlar, pastdan uchgan havo kemalari shovqini va ayrim hududlarda elektr ta’minoti uzilishi haqida xabarlar tarqaldi. Reuters guvohlarga tayanib, shaharning janubiy qismi — yirik harbiy baza yaqinida quvvat o‘chganini, qora tutun ko‘tarilganini qayd etgan.

Shu fonda Venesuela hukumati AQShni “harbiy tajovuz”da aybladi. Reuters ma’lumotida rasmiy bayonotga tayanilgan holda Maduro milliy favqulodda holat e’lon qilgani va mudofaa kuchlarini safarbar etish choralari haqida bildirgani aytiladi.

Ayrim kanal va sahifalar bu gapni The New York Times’ga bog‘lab tarqatmoqda. Ammo NYT matnini mustaqil tarzda tekshirish imkoni bo‘lmagan va Reuters/AP kabi yirik agentliklar hozircha “Maduro yo‘qolib qoldi” mazmunidagi aniq tasdiqni keltirmagani sababli, bu da’vo hozircha tasdiqlanmagan.

Bundan tashqari, The Guardian hodisalar haqida yozar ekan, Maduro tomonidan safarbarlikka chaqiriqlar va hukumatning pozitsiyasi haqida gapirilganini keltirdi, ammo “prezident qayerdaligi noma’lum” degan tasdiqlangan ma’lumotni e’lon qilmadi. AQSh rasmiylari ham hozircha izoh bermagan.

Tayyorlagan Отабек Матназаров

#AQSh #Venesuela #Nikolas Maduro #Karakas

2026 yil 3 yanvar kuni soat 02:00 - 04:30 oralig‘ida AQSh kuchlari Venesuela hududida maxsus amaliyot o‘tkazib, mamlakat prezidenti Nikolas Maduro va uning rafiqasini o‘g‘irlab ketdi.