Moskvada avtomobil soyasi yo‘l chizig‘ini kesgani uchun jarima solindi

Moskvalik Yevgeniyning hikoya qilishicha, unga mashinasini soyasi bilan adashtirib, jarima to‘lov chekini yuborishgan. Yo‘l harakati qoidabuzarligini suratga oluvchi kamera taqdim etgan suratlarga «Govorit Moskva» radiostansiyasi e'tibor qaratgan.

“Menga jarima keldi. Bir ochib qaray-chi, nima ekan degan maqsadda, suratga tikildim, ammo tushuna olmadim. Ko‘rinishidan, kameralar mashinamiz soyasi huquqbuzarlik qilgani uchun ham bizlarni jarimaga tortishni xohlamoqda, shekilli. Qisqasi, shahar yo‘l harakati xavfsizligi inspeksiyasi saytiga kirib, jarimani qaytarib yubordim. Javobni kutayapman”, -degan Yevgeniy. 

Suratning originali joylangan drive2.ru portali foydalanuvchilari Yevgeniyga hazil qilib, shaharda qoq tush vaqtida harakatlanishni tavsiya qilgan. Axir, bu vaqtda soya deyarli bo‘lmaydi.