Parkentda 3 bola suvga cho‘kib halok bo‘ldi

Ijtimoiy tarmoqlarda Toshkent viloyatining Parkent tumanida 3 nafar bola suvga cho‘kib halok bo‘lgani haqidagi xabarlar tarqaldi. Kun.uz holatga oydinlik kiritdi.

Kun.uz manbasiga ko‘ra, hodisa bugun, 14 iyun kuni soat 14:00 lar atrofida Parkent tumanida sodir bo‘lgan. Bir guruh bolalar tumanning Surxi mahallasi hududidan o‘tgan Parkensoyning qurigan o‘zanida hosil bo‘lgan ko‘lmakka cho‘milishga borgan. Shunda bolalardan 3 nafari suvga cho‘kib, halok bo‘lgan.

Bolalarning jasadi ko‘lmakdan olib chiqilgan. Suvning chuqurligi 2 metrgacha yetgan. Bu yerda cho‘milish mumkin bo‘lmagan.

Avvalroq Samarqand viloyatining Paxtachi tumanida ham ikki nafar bola fermer dalasidagi hovuzga cho‘kib halok bo‘lgandi.