Freestyle Chess Grand Slam Tour 2025: Sindorov finalni 4-o‘rin bilan yakunladi

2025 yil 8–11 dekabr kunlari Janubiy Afrikaning Keyptaun hududida o‘tgan Freestyle Chess Grand Slam Tour 2025 final bosqichida o‘zbekistonlik grossmeyster Javohir Sindorov 4-o‘rinni egalladi. Musobaqa g‘olibligini esa Levon Aronyan qo‘lga kiritdi.

Foto: Lennart Ootes

Musobaqaning umumiy mukofot jamg‘armasi 750 ming AQSh dollarini tashkil etdi.

Javohir Sindorov guruh bosqichini 5,5 ochko bilan 1-o‘rinda yakunlab, pley-offga yo‘l oldi.

U chorak finalda Parham Magsudluni 2:0 hisobida mag‘lub etdi. Yarim finalda esa Magnus Karlsenga qarshi bahsda 1,5:2,5 hisobida yutqazdi.

3-o‘rin uchun bahsda Sindarov nemis grossmeysteri Vinsent Keymerga 0:2 hisobida mag‘lub bo‘ldi va musobaqani 4-o‘rin bilan tugatdi.

Ma’lumotlarga ko‘ra, u 60 000 AQSh dollari mukofotni qo‘lga kiritgan.

Finalda Levon Aronyan (AQSh) Magnus Karlsenni 1,5:0,5 hisobida mag‘lub etib, turnir g‘olibi va 200 000 AQSh dollari sohibi bo‘ldi.

Shu bilan birga, Karlsen final bosqichi davomida yarim finalga chiqqan holda butun 2025 yilgi grand-slem turi (mavsum) chempionligini ham muddatidan avval rasmiylashtirgani qayd etildi.

Tayyorlagan: Отабек Матназаров

#shaxmat #Javohir Sindorov