Badiiy akademiya huzurida ikkita muassasa tashkil etildi

O‘zbekiston Badiiy akademiyasi huzurida quyidagi muassasalar tashkil etildi:

Badiiy ta'lim yo‘nalishlaridagi pedagog va mutaxassis kadrlarni qayta tayyorlash hamda ularning malakasini oshirish markazi;

Rassomlik mahorat ustaxonasi (oliy rassomlik kursi).

Ularning asosiy vazifalari:

Norma’ning yozishicha, markaz faoliyati 2022 yil 1 yanvardan boshlanadi. Ustaxona esa oliy o‘quv yurtidan keyingi ta'lim tizimida tayyorgarlik bosqichi bo‘lib, yosh ijodkorlar unga stajyor-tadqiqotchilar uchun belgilangan tartib asosida jalb qilinadi. Rassomlik mahorat ustaxonasi 2022/2023 o‘quv yilidan ochiladi.

Respublika ixtisoslashtirilgan rassomlik maktabiga yurtimiz tasviriy san'ati rivojiga ulkan hissa qo‘shgan atoqli ijodkor Pavel Benkov nomi berildi. Pavel Benkov (1879 – 1949) – rassom, musavvir, grafik, teatr dekoratori, pedagog. O‘zbekiston SSRda xizmat ko‘rsatgan san'at arbobi. Qozon rassomlik maktabi va Samarqand rassomlik bilim yurtida dars bergan.

2022 yil sentyabriga qadar Badiiy akademiya tizimidagi ixtisoslashtirilgan san'at maktablari hamda maktab-internatlarining moddiy-texnik bazasini mustahkamlash va o‘quvchilar uchun zarur shart-sharoitlar yaratish topshirilgan.

2020 yil 1 noyabrdan boshlab O‘zbekiston Badiiy akademiyasi markaziy apparati xodimlarining lavozim maoshiga budjet mablag‘lari hisobidan 100 foiz miqdorida oylik ustamalar belgilanadi.