OAV: Isroil Eronga qarshi yirik hujumga tayyorlanmoqda

Isroil xavfsizlik bo‘yicha vazirlar mahkamasining yig‘ilishida bosh vazir va mudofaa vaziriga hujum qachon va qanday amalga oshirilishini hal qilish vakolati berilishi kutilmoqda.

Foto: Mostafa Alkharouf/Anadolu

Tel-Aviv rasmiylari 1 oktyabrdagi raketa zarbasiga javoban Eronga qarshi yirik hujumga tayyorlanmoqda. Bu haqda isroillik rasmiy vakilga tayanib, KAN davlat televideniyesi xabar berdi.

Shuningdek, tayyorgarlik Eronning ehtimoliy javobiga qarab mudofaa tizimlarini kuchaytirishni ham o‘z ichiga olgani qayd etilgan.

Isroil xavfsizlik bo‘yicha vazirlar mahkamasining yig‘ilishida bosh vazir Binyamin Netanyahu va mudofaa vaziri Yoav Gallantga hujum qachon va qanday sodir bo‘lishini hal qilish vakolati berilishi kutilmoqda.

Eron 1 oktyabr kuni Isroilga raketa hujumi uyushtirdi va Tel-Aviv rasmiylari hujumga javob berilishini bildirdi.

Tayyorlagan: Отабек Матназаров

#Eron #Isroil