Guliston shahridagi bozorlardan birida gazballon portladi

FVV hodisa haqida qo‘shimcha ma’lumot berilishini ma’lum qildi.

Foto: Ijtimoiy tarmoqlar

Ijtimoiy tarmoqlarda Sirdaryo viloyati, Guliston shahridagi bozorlardan birida gazballoni portlagani haqidagi lavhalar tarqaldi. Unda savdo rastalari orasida tutun tarqalgani, ba’zi rastalar vayron bo‘lgani, odamlar kiyim-boshini yechib tashlagani ko‘rinadi.

Sirdaryo viloyati FVB xabariga ko‘ra, hodisa shaharning Taraqqiyot mahallasida sodir bo‘lgan.

«2 dekabr kuni soat 10:49 da ovqatlanish shoxobchasining oshxonasida yong‘in sodir bo‘lgani to‘g‘risida xabar keldi. Yong‘in to‘liq bartaraf etildi. Hodisa bo‘yicha qo‘shimcha ma’lumot beriladi», deyiladi xabarda.

Hodisa oqibatida jabrlanganlar haqida ma’lumot berilmadi.