Qoʻshimcha funksionallar
-
Tungi ko‘rinish
Abu-Dabida portlash: strategik gaz obekti nishonga olindi
Birlashgan Arab Amirliklarida joylashgan yirik Habshan gaz majmuasiga hujum amalga oshirildi. Hujum natijasida obektda yong‘in yuzaga kelib, kamida bir kishi halok bo‘lgan.
Foto: REUTERS
Rasmiy ma’lumotlarga ko‘ra, havo hujumiga qarshi mudofaa tizimlari kelayotgan raketa yoki dronni yo‘q qilgan, ammo uning parchalari gaz obekti hududiga tushib, ikki nuqtada yong‘in keltirib chiqargan.
Hodisa oqibatida bir Misr fuqarosi halok bo‘lgan, yana to‘rt kishi yengil jarohat olgan.
Mahalliy hokimiyatlar xabar berishicha, obektga “sezilarli darajada zarar yetgan” va hozirda zararni baholash ishlari olib borilmoqda. Shuningdek, xavfsizlik nuqtai nazaridan gaz majmuasi faoliyati vaqtincha to‘xtatilgan.
Habshan kompleksi BAAning eng yirik gaz qayta ishlash infratuzilmalaridan biri bo‘lib, mamlakat energetika tizimida muhim o‘rin tutadi.
Mutaxassislar bu hujumni Yaqin Sharqdagi kengayayotgan harbiy mojarolar bilan bog‘lamoqda. Oxirgi vaqtlarda mintaqada neft va gaz obektlariga qaratilgan zarbalar ko‘payib, global energiya bozorida xavotirlarni kuchaytirmoqda.
AQSh va Isroilning Eronga tajovuzi
