Buenos-Ayres metrosining barcha yo‘nalishlarida harakat to‘xtab qoldi

Argentina poytaxtidagi metropoliten xodimlari kasaba uyushmalari ishchilardan birining vafot etgani sabab ish tashlash e'lon qilishdi. Norozilik tufayli metroning barcha yo‘nalishlarida harakat to‘xtab qolgan.

21 yoshli Matias Kryuger taxminan 02:30 da (Toshkent vaqti bilan 10:30) depoda konditsionerni ta'mirlash jarayonida tok urishi tufayli halok bo‘ldi. Ma'lumotlarga ko‘ra, ayni damda ro‘y bergan voqea sabablari oydinlashtirilmoqda.

Ish tashlash tashkilotchilari poyezdlar harakati qachondan tiklanishi borasida ma'lumot berishmagan. "O‘ylashimcha, ekspertiza yakuniga yetgach, biz ish tashlashni ham tugatamiz", - deya aytib o‘tgan poyezd mashinistlari va avtobus haydovchilari manfaatlarini himoya qiluvchi kasaba uyushma bosh kotibi Roberto Fernandes.