IShID yetakchisi yaralangani haqida yana bir marta xabar tarqaldi

IShID yetakchisi Abu Bakr al-Bag‘dodiy Iroqning g‘arbidagi aviazarba vaqtida yaralandi, deb xabar bermoqdalar Alsumaria va Alhurra telekanallari. 

Al-Bag‘dodiyning yaralangani yoki yo‘q qilingani haqidagi xabarlar avval ham OAVda ko‘plab marta tarqagan, biroq bu xabarlar o‘z tasdig‘ini topmagandi.

Alhurra kanalining ma'lum qilishicha, al-Bag‘dodiy 9 fevralda Al-Qaim shahrida uyushtirilgan aviahujumda yaralangan. U bu yerga IShID yetakchilarining qurultoyiga kelgan bo‘lgan. Aviazarba Iroq harbiy-havo kuchlari tomonidan berilgan.

Kanal ma'lumotlariga ko‘ra, terrorchilar yetakchisi og‘ir jarohat olib, Suriyaga davolash uchun yetkazilgan. Aviazarba oqibatida bir qancha boshqa terrorchilar yo‘q qilingan.

Kanalning ta'kidlashicha, bu ma'lumot Iroq ichki ishlar vazirligining razvedka bo‘limidan olingan.

Alsumaria telekanali versiyasiga ko‘ra, al-Bag‘dodiyga zarba AQSh boshchiligidagi xalqaro koalitsiya samolyotlari tomonidan 12 fevralda berilgan.