1 yanvardan ayrim hududlardagi davlat bog‘chalarida to‘lovlar miqdori kamaytiriladi

Prezident qaroriga ko‘ra, 2023 yil 1 yanvaridan boshlab, O‘zbekistondagi barcha — 208 ta tuman va shahar iqtisodiy ahvolidan kelib chiqib, 5 ta toifaga ajratilyapti. Toifaga qarab bu tumanlarga soliq imtiyozlari, subsidiya ajratish tartibi va tadbirkorlik faoliyatini qo‘llab-quvvatlash choralari belgilandi.

Ushbu toifalardan kelib chiqib, 2023 yil 1 yanvardan 2026 yil 1 yanvarga qadar davlat bog‘chalarida bola ta’minoti uchun to‘lovlar tumanlar toifasidan kelib chiqib, quyidagicha kamaytiriladi:

• 5-toifadagi tumanlarda - 50 foiz;
• 4-toifadagi tumanlarda - 50 foiz;
• 3-toifadagi tumanlarda - 30 foiz.

 Ma’lumot uchun, respublika bo‘yicha 19 ta tuman esa 5-toifaga, 39 tuman 4-toifaga hamda 75 ta tuman esa 3-toifaga kiritilgan.