O‘zDJTU akademik litseyi o‘quvchilari orasida kitobxonlik savodi oshirilmoqda

O‘zbekiston davlat jahon tillari universiteti qoshidagi 3-son akademik litseyi o‘quvchilarida oliyjanoblik fazilatlarining mazmuni, mohiyati, mehr-muruvvat, o‘zaro hurmat, hamjihatlik, bag‘rikenglik kabi axloqiy qadriyatlarni yoshlar ongiga singdirishga qaratilgan “Oliyjanob inson fazilatlari”, “Kachestva blagorodnogo cheloveka” nomli o‘quv kurslari hamda “Oliyjanoblik nima?”, “Chto takoye blagorodstvo?” mavzusida insholar tanlovi o‘tkazilishi tashkil etilmoqda.

Bundan tashqari, dars mashg‘ulotlaridan keyin o‘quvchilarda ezgu fazilatlardan biri bo‘lmish oliyjanoblikni targ‘ib qilish, o‘quvchilarda kitobga bo‘lgan qiziqishlarni yanada oshirish maqsadida guruh rahbarlari va o‘quvchilar tomonidan shahrimizdagi “Kitoblar olami” va “Sharq ziyokori” kabi bir qator kitob do‘konlariga sayohatlar uyushtirildi.

Kitob do‘konlariga ekskursiyaga chiqqan o‘quvchilar tomonidan o‘zida ezgu fazilatlarni mujassam etgan 100 dan ortiq badiiy va publitsistik  kitob xarid qilindi.

Shu bilan birga, o‘quv mashg‘ulotlaridan keyin o‘quv muassasasi hududida joylashgan “O‘quvchilar turar joyi”da istiqomat qiluvchi o‘quvchilar ham akademik litsey Axborot-resurs markazi o‘quv zalida kitob mutolaasiga kirishib ketishdi.