Mazkur dasturning asosiy maqsadi jamiyatda mutolaa madaniyatini yuksaltirish, yoshlarning ma’naviy-axloqiy rivojlanishiga hissa qo‘shish hamda kitob o‘qishga bo‘lgan qiziqishni oshirishdan iborat.
Dastur doirasida davlat organlari tomonidan kitob va kitobxonlik mavzusida tayyorlanadigan axborot va reklama materiallari ijtimoiy axborot (reklama) sifatida tan olinadi. Bu esa mazkur yo‘nalishdagi targ‘ibot ishlarini yanada kuchaytirishga xizmat qiladi.
Shuningdek, jamoat transportida — avtobus, metro, samolyot va poyezdlarda simsiz yoki mobil internet tarmog‘i orqali Mutolaa platformasidan foydalanish imkoniyatlari yaratiladi. Qulaylik uchun transport vositalarida maxsus QR-kodlar joylashtirilib, yo‘lovchilar ular orqali elektron kitoblardan bemalol foydalanishlari mumkin bo‘ladi.
