Prezident farmoniga ko‘ra, 2026 yil 1 fevraldan kitobxonlikni ommalashtirish bo‘yicha “Kitob – ma’rifat manbai” dasturi amalga oshiriladi. Shuningdek, davlat organlarining kitob va kitobxonlik mavzusidagi materiallari ijtimoiy axborot (reklama) sifatida tan olinishi qayd etildi.
Hujjatda transport vositalarida — avtobus, metro, samolyot va poyezdlarda — simsiz yoki mobil internet tarmog‘i orqali Mutolaa platformasidan foydalanish uchun sharoit yaratish, qulaylik uchun QR-kodlar o‘rnatish vazifasi ham belgilangan.
Shu bilan birga, umumta’lim muassasalarida “Jadidlar izidan” kitobxonlik klublari tashkil etiladi. Klublar faoliyati doirasida:
- a’zolar o‘rtasida kitob tahliliga bag‘ishlangan debatlar o‘tkaziladi;
- maktablarda klub a’zolariga yiliga kamida 20 ta kitob o‘qitib boriladi;
- har chorakda tuman (shahar) kesimida eng faol klub a’zolari rag‘batlantiriladi.
