Xabib Nurmagomedovning amakivachchasi O‘zbekistonda jang o‘tkazadi

Rossiyalik yakkakurash jangchisi Xabib Nurmagomedovning amakivachchasi Umar Nurmagomedov 23 noyabrda O‘zbekistonda jang o‘tkazadi. Bu haqda Xabibning o‘zi xabar qildi.

Umar Nurmagomedovning hisobida 11 jangdan 11 ta g‘alaba bor.

Jangchi “Rat” jamoasi vakili Nikita Chistyakovga qarshi jang o‘tkazadi. Jangga GFC tashkiloti chepmpionlik kamari qo‘yilgan. Xabib bu liganing yuzi hisoblanadi. 

Umar Nurmagomedov professional ringda 3 yildan beri ishtirok etadi va hozirda yengil vazndagi jangchilar dunyo reytingining 70-o‘rnini egallamoqda. Chistyakov ancha tajribali bo‘lib, 2012 yildan beri jang qilib keladi, biroq reytingda raqibidan pastroqda turadi.

GFC turniri MMA’ning O‘zbekistonda o‘tadigan ilk musobaqasi bo‘ladi. Uning davomida o‘zbekistonlik 7 jangchi va Nurmagomedov zalidan 6 jangchi ishtirok etadi.