KOICA Qoraqalpog‘istonda umumiy byudjyeti 300 ming AQSh dollari bo‘lgan qo‘shma loyihani yakunladi

2017 yilning 20 yanvar kuni Koreya xalqaro hamkorlik bo‘yicha agentligining (KOICA) O‘zbekistondagi ofisi “Qoraqalpog‘istonda tibbiyot va sog‘liqni saqlash markazini yaratish” qo‘shma loyihasi yakunlangani haqida ma'lum qildi. Bu haqda Kun.uz’ga KOICA loyihalar menejyeri Rustambek Muxtarov xabar berdi.

Loyiha Salomatlik va tibbiy statistika institutining Qoraqalpog‘istondagi filiali bilan hamkorlikda amalga oshirildi. 

Umumiy byudjyeti 300 ming AQSh dollari bo‘lgan loyiha ustidagi ishlar 2016 yilning oktabridan boshlab 4 oy davomida olib borildi.

Markaz Koreya Respublikasining tibbiyot va sog‘liqni saqlash sohasidagi tajribasi bilan almashishga yordam beradi. Kelajakda markaz aholining tibbiy profilaktika asosiy ko‘nikmalari bo‘yicha ta'lim olishiga ko‘mak beradi.